«I takt med naturen» er grunnfilosofien me baserer lakseproduksjonen vår på. Heilt frå laksen er rogn til han er vaksen prøver me å kopiera tilhøva i naturen etter beste evne, ut frå det me veit om biologien og livsløpet til villaksen. I våre topp moderne slakte-, pakke- og foredlingsanlegg sikrar unik prosessteknologi og kompetente medarbeidarar at lakseprodukta me leverer til kundane er av ypparste kvalitet.
Rogn frå Salmo Breed-stamma har spesielt gode eigenskapar og bygger på målretta avlsarbeid. Stamfiskanlegga som leverer rogna er sertifisert etter GlobalGAP-standarden.
Me har tre settefiskanlegg som produserer smolt. Me vektlegg å ha smolt av høg kvalitet, og har difor bygd ut settefiskanlegga slik at dei held ein god moderne standard.
Laksesmolten på om lag 100 gram vert sett ut i sjøen der han veks fram til han kan haustast. Alle lokalitetane våre har gode straumtilhøve og reint friskt vatn. Me sikrar oss at laksen trivst med å ha ekstra store nøter slik at dei får god plass i merdane.
Laks på om lag fem kilo vert transportert levande frå dei ulike oppdrettsanlegga. Me har eit særs moderne slakterianlegg ved Bremnes Fryseri noko som gir kvalitet i verdsklasse på våre produkt. Kapasiteten er stor og anlegget kan prosessera 90 fisk per minutt.
Me søker alltid å få det beste ut av dei gode råvarene me har. Sidan 2009 har me i vår topp moderne foredlingsfabrikk foredla blant anna marknadens kvalitetsleiande produkt nemleg SALMA-laksen.
Gjennom selskapa Salmon Brands og Sjór sender me laks rundt i heile verda. Reiser du til Tokyo, Sydney, Chicago, Paris eller Bangkok så kan du oppleve å få smake laks frå Bremnes Fryseri.
Gode vekstvilkår, etter kopi frå naturen, gir god fiskehelse og -velferd. Resultatet er kvalitetslaks med god lønsemd.
Frå laksen sym i kaldt sjøvatn til han er ferdig pakka, tek det maksimalt 4 timar. Det får me til med kompetente medarbeidarar og eit moderne pakkeanlegg i verdsklasse. Her pakkar me både eigenprodusert laks, og me utfører slakte- og pakketenester for ei rekkje andre lakseprodusentar.
I vår topp moderne foredlingsfabrikk produserer me blant anna SALMA, verdas beste lakseprodukt.
